साफ यू-१७ महिला फुटबलको पहिलो खेलमा भारतसँग नेपाल पराजित
काठमाडौं- साफ यू–१७ महिला च्याम्पियनशिप फुटबल प्रतियोगिताको पहिलो खेलमा भारतसँग नेपाल पराजित भएको छ।
बंगलादेशको ढाकास्थित वीर श्रेष्ठ शहीद सिपाही मुस्तफा कमल स्टेडियममा आज भएको खेलमा भारतले नेपाललाई ४–१ गोलअन्तर पराजित गरेको हो।
भारतको जितमा शिल्जी शाजीले ह्याट्रिक पूरा गरिन् भने पूजाले एक गोल गरिन्। नेपालका लागि वर्षा ओलीले एक गोल फर्काइन्।
खेलको दसौं मिनेटमा भारतकी शिल्जी शाजीले गोल गर्दै सुरुआती अग्रता दिलाइन्। त्यस्तै खेलको ४०औं मिनेटमा शाजीले व्यक्तिगत दोस्रो गोल गर्दै भारतलाई २–० को अग्रता दिलाइन्। खेलको पहिलो हाफको ४१औं मिनेटमा पूजाले एक गोल थपिन्।
त्यसपछि खेलको ५४औं मिनेटमा नेपालकी खेलाडी वर्षा ओलीले गोल गर्दै खेललाई ३–१ को स्थितिमा ल्याइन्। त्यस्तै खेलको ८०औं मिनेटमा शाजीले ह्याट्रिक पूरा गर्दै भारतलाई ४–१ को जित दिलाइन्। जितसँगै भारतले पहिलो खेलमा ३ अंक जोडेको छ।
प्रतियोगितामा आयोजक बंगलादेश, नेपाल, भारत, भूटान र रसियाको सहभागिता रहेको छ। नेपालले आफ्नो दोस्रो खेलमा बुधबार भुटानसँग खेल्नेछ।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
-1761390769.jpg)
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com