फ्रेन्ज लिग वानमा रेनेससँग पीएसजी पराजित

काठमाडौं- शीर्ष स्थानको पीएसजी रेनेससँग २–० गोल अन्तरले पराजित भएको छ। पीएसजी ६६ अंकका साथ शीर्ष स्थानमा यथावत रहेको छ भने विजयी भएको रेनेस ५० अंकका साथ पाँचौं स्थानमा रहेको छ। 

रेनेसलाई जितउनका लागि कार्ल टोको इकाम्बी र अर्नुड मुएगाले एक एक गोल गरेका थिए। ४५औं मिनेटमा कार्ल टोकोले गोल गर्दै अग्रता दिलाएका थिए।

दोस्रो हाफको सुरुमै ४८औं मिनेटमा अर्नुडले गोल गर्दै रेनेसको अग्रता दोब्बर बनाए। त्यसपछि दुवै टिमबाट गोल नहुँदा पीएसजी २–० गोल अन्तरले पराजित हुन पुग्यो।

पीएसजीका लागि मेस्सी र एम्बाप्पे जस्ता स्टार खेलाडीले गरेको गोलको प्रयास सफल हुन सकेन।