प्रधानमन्त्री विचलित हुनुभयो, फेरि विश्वासको मत दिँदैनौं: राप्रपा

राष्ट्रिय प्रजातन्त्र पार्टी (राप्रपा) ले प्रधानमन्त्री पुष्पकमल दाहाल प्रचण्डलाई विश्वासको मत नदिने बताएको छ। यसअघि गत पुस २६ मा राप्रपाले प्रधानमन्त्री दाहाललाई विश्वासको मत दिएको थियो।

जुन उद्देश्यका लागि पार्टीले प्रधानमन्त्रीलाई विश्वासको मत दिएको थियो, त्यो उद्देश्यबाट उनी विचलित भएको भन्दै राप्रपाले फेरि मत नदिने बताएको हो। राप्रपाले १३ फागुनमा सरकारलाई दिएको समर्थन फिर्ता लिने र सरकारबाट मन्त्री फिर्ता बोलाउने निर्णय गरेको थियो।

सोमबारको प्रतिनिधिसभा बैठकमा प्रधानमन्त्री दाहालले विश्वासको मतका लागि प्रस्ताव प्रस्तुत गर्ने तयारी गरेका छन्। राप्रपा र एमालेबाहेक बाँकी सबै दलले प्रधानमन्त्रीलाई विश्वासको मत दिने भएका छन्।