जीतपुर-सिमरा गोल्डकप चैत ९ गतेदेखि

नेपाल समय | बिहीबार, चैत २, २०७९

नेपाल समय

बिहीबार, चैत २, २०७९

जगदम्बा स्टील्सको मुख्य प्रायोजनमा १३औं ‘जीतपुर सिमरा गोल्ड कप २०७९’ हुने भएको छ । नव जनजागृति युवा क्लब सिमरा बाराको आयोजनामा हुने गोल्ड कप सिमरा रंगशालामा हुनेछ ।

चैत ९ देखि चैत १८ गतेसम्म चल्ने गोल्डकपको लागत १ करोड ६ लाख रुपैयाँ अनुमान गरिएको छ ।

गोल्डकपका लागि जीतपुर सिमरा उपमहानगरपालिले २० लाख रुपैयाँ सहयोग गरेको छ । प्रतियोगितामा प्रथम हुने समूहले १० लाख र द्वितीय हुनेले ५ लाख रुपैयाँ पुरस्कार प्राप्त गर्नेछन् ।

सर्वोकृष्ट खेलाडी मोटरसाइकल पुरस्कार दिइनेछ । विधागत पुरस्कारतर्फ उत्कृष्ट गोलकिपर, डिफेन्स, मिड फिल्ड, फरवार्ड, प्रशिक्षक र हाई स्कोररलाई २० हजार रुपैयाँ उपलब्ध गराइने आयोजकले बताएको छ ।

प्रत्येक दिन उत्कृष्ट खेलाडीले १० हजार रुपैयाँ र स्थानीय उदीयमान खेलाडीले १५ हजार रुपैयाँ पुरस्कार प्राप्त गर्नेछन् ।