युएईले नेपाललाई दियो ३११ रनको लक्ष्य

काठमाडौं- आईसीसी विश्वकप क्रिकेट लिग टू अन्तर्गत त्रिकोणात्मक सिरिजको अन्तिम खेलमा युएईले नेपाललाई जितका लागि ३ सय ११ रनको भारी लक्ष्य दिएको छ।

कीर्तिपुरस्थित टियु क्रिकेट मैदानमा टस जितेर पहिले ब्याटिङ गरेको युएईले ५० ओभरमा ६ विकेट गुमाएर ३ सय १० रन बनाएको हो।

आजको खेलमा जित निकाल्न सके घरेलु टोली नेपालले जिम्बावेमा आयोजना हुने विश्वकप छनोट खेल्न पाउने छ।

लिग टू अन्तर्गत नेपालले अहिले सम्म ३५ खेलबाट ३८ अंक बनाएको छ। आज खेलमा जित निकालेको खण्डमा नेपाल नामिबियालाई पछि पार्दै तेस्रो स्थानमा रहेर लिग टू अन्त्य गर्दै जिम्बावेको टिकट काट्नेछ।

यता समान खेलबाट ३३ अंक जोडेको युएई छैटौं स्थानमा छ।