बिहीबार, चैत २१, २०८१

लागूऔषधसहित काठमाडौंबाट एक जना पक्राउ

लागूऔषधसहित काठमाडौं प्रहरीले एक जनालाई पक्राउ गरेको छ।
 |  सोमबार, फागुन २९, २०७९
nespernesper

नेपाल समय

नेपाल समय

सोमबार, फागुन २९, २०७९

vianetvianet

काठमाडौं- लागूऔषधसहित काठमाडौं प्रहरीले एक जनालाई पक्राउ गरेको छ। काठमाडौं महानगरपालिका-१६ मा लागूऔषध ओसार पसार तथा खरिद बिक्री भइरहेको भन्ने सुचनाको आधारमा प्रहरी वृत्त बालाजुबाट खटिएको प्रहरी टोलीले एक जनालाई पक्राउ गरेको हो।

triton college

पक्राउ पर्नेमा ३३ वर्षीय उद्दब पौडेल रहेका छन्। उनको कोठा चेक जाँच गर्दा लुकाई राखेको अवस्थामा औषधीजन्य लागूऔषध, मोबाइलहरू र नगदसमेत फेला परी नियन्त्रणमा लिइएको प्रहरीले जनाएको छ।

उनको साथबाट ५१ ट्याब्लेट लागूऔषध, ११ थान सिरिन्ज, रेडमी मोबाइल तीन थान, वन प्लस मोबाइल एक थान, स्यामसुङ मोबाइल १० थान, भिभो मोबाइल तीन थान, वप्पो मोबाइल एक थान र आइफोन दुई थान बरामद भएको प्रहरीको भनाइ छ। यसका साथै उनको साथबाट प्रहरीले नगद २५ हजारसमेत बरामद गरेको छ।

उनीमाथि लागूऔषध (नियन्त्रण) ऐन, २०३३ बमोजिम काठमाडौं जिल्ला अदालतबाट म्याद थप अनुमति लिई प्रहरी वृत्त बालाजुबाट थप अनुसन्धान भइरहेको प्रहरीले जनाएको छ।

प्रकाशित: Mar 13, 2023| 12:17 सोमबार, फागुन २९, २०७९
citizen insidecitizen inside
प्रतिक्रिया दिनुहोस्