सिंहदरबारबाटै गृहमन्त्रीको राजिनामा माग  

काठमाडौं-बलात्कार पछि हत्या गरिएकी १३ वर्षीया निर्मला पन्तको हत्यारा पत्ता लगाउन दबाब दिदै सिंहदरबारको पुर्वी गेटमा धर्ना गरिएको छ। 

महानगरीय प्रहरी वृत सिंहदरबारका प्रमुख प्रहरीनायब उपरिक्षक काजीकुमार आचार्यले दिएको जानकारी अनुसार सामान्य नागरिक सरह सिंहदरबारमा उपस्थित करिब २० जनाको समुहले निमालाको हत्यारी पत्ता लगाउन दबाब स्वरुप प्लेकार्ड देखाउदै प्रर्दशनमा गरेका थिए । 

निषेधित क्षेत्रमा प्रर्दशन गर्न नमिल्ने भन्दै प्रहरीले प्रर्दशनकारीलाई प्रहरीले गरेको आग्रह अनुसार सबैजना त्यहाबाट हटेका छन। बलात्कार पछि हत्या भएको दुई महिना बित्दा पनि हत्यारा पत्ता लगाउन नसकेको भन्दै प्रर्दशनकारीले गृहमन्त्री रामबहादुर थापाको राजीनामा माग गरेको जनाईएको छ।