अन्जनी र मिनु आईबिए उमन्स् वल्ड बक्सिङ च्याम्पियनसिपमा छनोट

काठमाडौं- भारतको राजधानी नयाँ दिल्लीमा आउँदो मार्च १३ देखि २७ तारिखसम्म सञ्चालन हुनगइरहेको आइबा वल्ड उमन्स् बक्सिङ च्याम्पियनसिप २०२३ नेपालकी अन्जनी तेली (बक्समाण्डु) र मिनु गुरुङ (टिएसी) छनौट भएका छन्। 

हिजो मंगलबार सातदोबाटोमा भएको ५२ केजी तौल समूहको फाइनल खेलमा अन्जनी तेलीले त्रिभुवन आर्मीका वर्षा श्रेष्ठ लाई ५-० आधारको आधारमा जित निकालेकी थिइन्। त्यस्तै मिनु गुरुङले एपीएफकी शर्मिला तामाङलाई ५.० अंकको आधारमा जित हासिल गरेकी थिइन्।

बक्सिङ कभर्डहलमा नेपाल बक्सिङ्ग संघले सञ्चालन गरेको उक्त छनौट खेलमा ५० केजी तौल समुहको क्वाटरफाइनल खेलहरुमा रमिसा श्रेष्ठ (आरडिएस) र आरति बम्जन (टिएसी) ले क्रमश: एनपिसीका रिता धरला र झापाका तेजिमाया गुरुङलाई  ४.१ र ५.० अंकको आधारमा जित हासिल गर्दै सेमिफाइनल प्रवेश गरेका छन्। 

त्यसैगरी सेमिफाइनल ५७ केजी तौल समुहमा झापाका खेलाडी शुस्मिता राईले एनपिसिका निशा तामाङलाई ३.२ अंकाको आधारमा जित हासिल गर्दै फाईनल प्रवेश गरेकी छन्। 

त्यसैगरि ७५ केजी तौल समूहमा एपिएफका खेलाडी सरस्वती राना मगरले टिएसीका खेलाडी अनुपा चौधरीलाई एबिडीको आधारमा जित हासिल गर्दै फाईनल प्रबेश गरेकी छन्।