लुम्बिनी अल स्टारको लगातार पाँचौं जित

काठमाडौ– नेपाल टी–ट्वान्टी लिगमा लुम्बिनी अल स्टारले लगातार पाँचौं जित हात पारेको छ। शुक्रबार त्रिवि मैदानमा लुम्बिनीले दिएको १५१ रनको लक्ष्य पछ्याएको काठमाडौंले २० ओभरमा ८ विकेट गुमाएर ११५ रन मात्र बनायो र ३५ रनले पराजित हुन पग्यो।

काठमाडौंका लागि अजमतुल्लाह उमरजाईले ३८ रन, सुनाम गौतमले १८ रन र एलेक्स ब्लेकले ११ रन बनाए। लुम्बिनीका लागि हरमित सिंहले ३, किशोर महतो, स्याड्ली भान, तिलक भण्डारी र ह्यारी टेक्टरले समान १/१ विकेट लिए। 

यसअघि लुम्बिनीका लागि कप्तान दीपेन्द्रसिंह ऐरीले सर्वाधिक ४० रनको योगदान दिए। यस्तै, लाहिरु मिलन्थाले २५ रन, कुशल भुर्तेल १९, अनिल शाह १३ रनमा आउट हुँदा हरमित सिंहले १२ रन बनाए। काठमाडौंका लागि अजमतुल्लाह उमरजाईले २ तथा अभिनाश बोहरा, एलेक्स ब्लेक, सुनाम गौतम र अनिल खरेलले समान १ विकेट लिएका थिए।

अपराजित लुम्बिनी ५ खेलमा १० अंकका साथ अंक तालिकाको शीर्ष स्थानमा कायमै छ। ४ खेलमा २ जित हात पारेको काठमाडौं पनि ४ खेलमा ४ अंकका साथ अंक तालिकाको तेस्रो स्थानमा कायमै छ।