ए डिभिजन लिग फागुनको १९ गतेबाट

काठमाडौं- सहिद स्मारक ए डिभिजन फुटबल लिग फागुनका १९ गतेबाट आयोजना हुने भएको छ। सातदोबाटोमा आज अखिल नेपाल फुटबल संघ(एन्फा) र ए डिभिजन क्लबहरुको संयुक्त बैठकले लिग आउँदो फागुन १९ गेतबाट आयोजना गर्ने एन्फाले जानकारी दिएको हो।

१४ टिम सम्मिलित दोहोरो राउन्ड रोबिन लिग पटक पटक सर्दै आएको छ। एन्फाले तयारी खर्च नदिएको भन्दै क्लबले लिग खेल्नै अस्विकार गर्दै आएका थिए। तर आज एन्फामा एक बैठक बस्दै क्लबले फागुन १९ गतेको मिति निर्धारण गरेका हुन्।

यसअघि क्लब र एन्फाको डिसेम्बर २२ मा बसेको बैठकले पनि लिग गर्ने भन्ने निर्णय गरेको थियो थियो। तर मिति तय गर्न सकेको थिएन।