फारवेस्टले दियो जनकपुरलाई १७० रनको लक्ष्य

कीर्तिपुर– काठमाडौंको त्रिवि क्रिकेट मैदानमा जारी नेपाल टी २० लिगको आजको दोस्रो खेलमा फारवेस्ट युनाइटेडले जनकपुर रोयल्सलाई १७० रनको लक्ष्य प्रस्तुत गरेको छ। खेलमा टस हारेर ब्याटिङको निम्तो पाएको सुदूरपश्चिमले पूरा ओभर खेल्दै छ विकेट गुमाएर १६९ रन बनाएको हो।

फारवेस्टका लागि आठौं नम्बरमा मैदान पसेका करण केसीले १७ बलमा ४६ रन बनाएका थिए। त्यस दौरान उनले चार छक्का र तीन चौकासमेत प्रहार गरका थिए। उनले डेढ ओभरमा विस्फोटक ब्याटिङ गर्दै अर्थसतक बनाउनबाट चार रन परै रहे।

त्यस्तै ओपनर देख खनालले २२ रन बनाए भने वासिम अन्सारीले ११, हसमतुल्लाह साहिदील १९ रन बना भने भीम सार्कीले ३६ रनको योगदान दिए। अन्तिम ओभरमा मात्र फारवेस्टले २४ रन जोडेको थियो।

यता जनकपुरका लागि ललित राजवंशीले दुई विकेट गिराए भने सोमपाल कामी र जितेन्द्र मुखियाले पनि समान १–१ विकेट लिएका थिए। अहिले जनकपुरको चार अंक छ भने फारवेस्टको दुई अंक रहेको छ। फारवेस्ट तालिकाको पुछारबाट दोस्रो स्थानमा छ भने जनकपुर तेस्रो स्थानमै छ। त्यसैले यि दुवै टिम आज दबाबमा रहेका छन्।