नेपाल टी–२० लिगमा पोखराको लगातार पाँचौं हार

काठमाडौं– त्रिवि क्रिकेट मैदानमा जारी नेपाल टी–२० लिगमा पोखरा एभरेजन्जर्सले पाँचौं हार बेहोरेको छ। विराटनगर सुपर किंग्सलाई दिएको १३६ रनको लक्ष्यमा विराटनगरलाई रोक्न नसकेपछि पोखराले लिगमा पाँचौं हार बेहोरेको हो।

अघिल्ला दिन भएको खलमा पनि विराटनगरले पोखरलाई ६ विकेटले हराएको थियो। यी दुवै टिमले आज पनि सोही मैदानमा खेलेका थिए। आजको खेलमा विराटनगरले निर्धारित लक्ष्य ८ बल बाँकी रहँदै ८ विकेट बचाउँदै जित निकालेको हो।

खेलमा टस जितेर पहिले बलिङ रोजेको विराटनगरको यो दोस्रो जित हो। उसले अहिलेसम्म पोखराबाहेक कुनै टिमलाई हाराउन सकेको छैन। आजको जितसँगै विराटनगरले चार अंक बनाएको छ भने पोखरा अंकविहीन छ।

खेलको पहिलो पारीमा कप्तान आन्द्रे म्याककार्थिले तीन विकेट लिएका थिए। पोखराका उपलु थरंगाले २५ रन बनाए भने सुमित महर्जनले २६ रन जोडेका थिए। अविजित रहेका अमिर हम्जाले ३७ रनको योगदान दिए।

दोस्रो पारीमा कमजोर सुरुआत गरी विराटनगरका अर्जुन साउद शून्य बलमै आउट भए। तर गौरवान्सु शर्माले ३३ रन बनाए भने रोहित पौडेलले अविजित ७१ रन बनाए। चौथो नम्बरमा मैदान प्रवेश गरेका हुसैन तलातले पनि २८ रन बनाए। पोखराका ८ खेलाडीले बलिङ गर्दा अमिर हम्जा र जाहिर खानले मात्र एक–एक विकेट लिन सके।