यू–२३ भलिबलमा नेपालले आज श्रीलंकासँग खेल्दै

काठमाडौं- बांग्लादेशमा जारी पहिलोपटक आयोजना भइरहेको यू–२३ सेन्ट्रल जोन भलिबल च्याम्पियनसिपको दोस्रो  खेलमा नेपालले आज श्रीलंकाविरुद्ध खेल्दै छ। श्रीलंका विरुद्ध नेपालको खेल नेपाली समयअनुसार दिउँसो २ः४५ बजेबाट सुरु हुनेछ। 

प्रतियोगिताको उद्घाटन खेलमा आयोजक बांग्लादेशसँग ३–० को सोझो सेटमा पराजित भएको नेपाल आज श्रीलंकालाई पराजित गर्दै पहिलो जितको खोजीमा हुनेछ। उता श्रीलंका पनि प्रतियोगितामा पहिलो जितकै खोजीमा रहेको छ। पहिलो खेलमा श्रीलंका किर्गीस्थानसँग पराजित भएको थियो। चार टोलीको सहभागिता रहेको प्रतियोगितामा नेपालले तेस्रो खेलमा कीर्गिस्तानसँग प्रतिस्पर्धा गर्दैछ। 

नेपाली टिमः
धिरज कुमार बस्नेत (कप्तान), रवी केसी, सन्तोष खत्री, अर्जुन नेपाली, रुप बहादुर गुराउ, विष्णु बस्नेत, सफल विक, सन्तोष महता, मनिष मानन्धर, हेमन्त मल्ल, वेदप्रकाश जोशी, सम्राट भण्डारी, गौरव पाण्डे (लिबेरो) र भिमराज गुरुङ ९लिवेरो०।