फिफाको नयाँ वरीयतामा नेपालको स्थान यथावत्, अर्जेन्टिना दोस्रोमा उक्लियो

काठमाडौं– विश्व फुटबलको सर्वोच्च निकाय फिफाले कतारमा विश्वकप सम्पन्न भएपछि नयाँ वरीयता सार्वजनिक गरेको छ।

बिहीबार सार्वजनिक भएको नयाँ वरीयताक्रम अनुसार नेपाल आफ्नो स्थानमा यथावत् छ। कुनै पनि अन्तर्राष्ट्रिय खेल नखेलेको नेपाल फिफा वरीयताको १७५ औं स्थानमा छ। दक्षिण एसियाली टिममा भारत १०६औं स्थानमा रहँदै सबैभन्दा अगाडि रहन सफल भएको छ।

फिफा विश्वकप जितेको अर्जेन्टिना एक स्थान सुधार गर्दै विश्व नम्बर दुई टिम बनेको छ। त्यस्तै, क्वार्टरफाइनलबाट पराजित भएको टिम ब्राजिल शीर्ष स्थानमा कायमै रहेको छ। विश्वकप फाइनलिस्ट फ्रान्स एक स्थान सुधार गर्दै तेस्रो स्थानमा उक्लिएको छ।