मोरङका तीन क्षेत्रको मतगणना दिउँसो १ बजेदेखि

विराटनगर– मोरङका तीन क्षेत्रको मतगणना दिउँसो १ बजेदेखि सुरु हुने भएको छ। क्षेत्र नम्बर ४, ५ र ६ को मतगणना दिउँसो १ बजेदेखि सुरू गर्ने निर्णय सर्वदलीय बैठकले गरेको हो।

पहिले प्रतिनिधिसभाको गणना सक्ने त्यसपछि प्रदेश क र प्रदेश ख गणना गरिने भएको छ।

आदर्श माध्यमिक विद्यालयमा ३ वटा क्षेत्रको मतगणना हुनेछ भने १ नम्बर क्षेत्रको उर्लाबारी नगरपालिका, २ नम्बरको रतुवामाइको विश्वनाथ मन्दिर र ३ नम्बरको बेलबारीको भगवती माध्यमिक विद्यालयमा मतगणना हुने मुख्य निर्वाचन अधिकृतको कार्यालयले जनाएको छ।

मोरङ जिल्लामा कुल ७ लाख ३५ हजार ५२५ मतदाता रहेका छन्, जसमा ३ लाख ७४ हजार ३२६ जना पुरुष छन् भने ३ लाख ६१ हजार  १९३ जना महिला छन्। यस जिल्लामा ६ वटा प्रतिनिधिसभाको निर्वाचन क्षेत्र रहेका छन्। प्रदेशसभाको निर्वाचन क्षेत्र १२ रहेका छन्। जिल्लामा ६५ प्रतिशत मत खसेको छ।