ट्याटु आर्टिस्ट कालाकाले काटे आफ्नै नाक र कान !

कोलम्बिया- कोलम्बियाका ट्याटु आर्टिस्ट कालाका, खास नाम इरिक यइनीर हेन्कपाई रामीरेजले आफ्नो नाकको आधा भाग काटेका छन्। उनले आफ्नो कान पनि काटेका छन्। 

उनले मानव खप्पर निकै मनपर्ने बताए। उनले आफु जिउँदो हुँदा नै जीवित मानव खप्परको सचित्रण गर्ने खोजको बताए। २२ वर्षिय, इरिक रक यइनीर हेन्कपाई रामीरेजले दुई वर्षदेखि आफ्नो अनुहारको परिवर्तनको लागि ट्रिटमेन्ट गराएको थिए। उनले आफ्नो नाकको तल्लो भाग काटेका छन् भने कान पनि काटेका छन्।

त्यस्तै, उनले सम्पूर्ण अनुहार तथा खप्पर ट्याटु खोपेका छन्। खोपेको ट्याटु आँखाको वरपर सुकेका आँखा जस्ता गरेका छन्। त्यस्तै, ओठमा बाहिरी भागमा पनि ठूला ठूला दाँत आकारमा बनाएका छन। 

यस बाहेक उनले जिब्रो पनि दुई भागमा छेडेका छन्। छेडेका जिब्रा निलो–खैरो रंग लगाएका छन्। उनले आफ्नो टाउको पनि पूर्ण रूपमा खौरिएको छन्।  


उनलाई सानैदेखिको मानव खप्परसँग प्रेम रहेको डेली मेललाई बताएका थिए। सार्वजनिक स्थानमा हिड्दा मानिसहरूले अच्मित प्रतिक्रिया दिए पनि उनलाई कुनै प्रभाव नपार्ने बताउँछन्। उनलाई आफ्नो नयाँ स्वरूपमा आनन्द आएको बताए।

आफ्नो शरीरको ‘मोडिफिकेसन’ व्यक्तिगत रोजाइ रहेको र यसलाई अनावश्यक टिप्पणी गर्नु उचित नरहेको बताए।