मोरङ–३ बाट उम्मेदवारको सिफारिसमा परिन् रेखा थापा

राप्रपाले प्रत्यक्षतर्फ दुई जनाको नाम सिफारिस गरेकामा पहिलो नम्बरमा थापालाई अगाडि सारिएको हो।

नेपाल समय | मंगलबार, भदौ १४, २०७९

नेपाल समय

मंगलबार, भदौ १४, २०७९

मोरङ–३ बाट उम्मेदवारको सिफारिसमा परिन् रेखा थापा

विराटनगर– राष्ट्रिय प्रजातन्त्र पार्टी (राप्रपा)ले नायिका रेखा थापालाई आउँदो प्रतिनिधिसभा निर्वाचनका लागि मोरङ–३ बाट नाम सिफारिस गरेको छ। राप्रपाले प्रत्यक्षतर्फ दुई जनाको नाम सिफारिस गरेकामा पहिलो नम्बरमा थापालाई अगाडि सारिएको हो।

राप्रपा बेलबारी नगर अध्यक्ष नगेन्द्र कार्कीका अनुसार प्रतिनिधिसभाको प्रत्यक्षतर्फ थापा र अम्बिकाप्रसाद अधिकारीको नाम सिफारिस भएको छ। मोरङ–३ मा अघिल्लो निर्वाचनमा एमाले नेता भानुभक्त ढकालले जितेका थिए।

थापाको घर सुन्दरहरैंचा–१२ सलकपुरमा पर्छ। मिस कोसीको उपाधि जितेर नेपाली सिने क्षेत्रमा उदाएकी थापा कुनै बेला माओवादी पसेकी थिइन्। पछिल्लो पटक राप्रपा प्रवेश गरेपछि महाधिवेशनमा महामन्त्रीमा लडेकी थिइन्।

प्रकाशित: Aug 30, 2022| 15:16 मंगलबार, भदौ १४, २०७९