काठमाडौं–प्रतिपक्ष नेकपा एमालेले उपसभामुखमा उम्मेदवारी दिने भएको छ। एमाले प्रमुख सचेतक विशाल भट्टराईले उपसभामुखको उम्मेदवारबारे छलफल भइरहेको बताए।
उनले भने, ‘हाम्रो मात्र भोटले जितिँदैन। अरू दलसँग पनि कुराकानी भइरहेको छ।’ उपसभामुख चयनका लागि शुक्रबार दिउँसो ३ बजे संसद्मा निर्वाचन हुनेछ। त्यसका लागि बिहीबार बिहान ११ देखि १ बजेसम्म उम्मेदवारी दर्ताको समय तोकिएको छ।
सत्तारुढ गठबन्धन बिहीबार कांग्रेस सचेतक पुष्पा भुसालले उम्मेदवारी दर्ता गराइसकेकी छन्। एमालेले उपसभामुखमा उम्मेदवारी दर्ता गराइनसके पनि लोकतान्त्रिक समाजवादी पार्टीसँग यसबारे छलफल गरिरहेको बताइएको छ।
प्रकाशित: Jul 14, 2022| 12:01 बिहीबार, असार ३०, २०७९
