उपसभामुखमा पुष्पा भुसालको उम्मेदवारी

प्रतिनिधिसभाको उपसभामुखमा सत्तारुढ गठबन्धनको तर्फबाट नेपाली कांग्रेसकी पुष्पा भुसालले मनोनयन दर्ता गराएकी छन्।

नेपाल समय | बिहीबार, असार ३०, २०७९

नेपाल समय

बिहीबार, असार ३०, २०७९

काठमाडौं– प्रतिनिधिसभाको उपसभामुखमा सत्तारुढ गठबन्धनको तर्फबाट नेपाली कांग्रेसकी पुष्पा भुसालले मनोनयन दर्ता गराएकी छन्।

भुसालको प्रस्तावकमा नेकपा माओवादी केन्द्रका प्रमुख सचेतक देवप्रसाद गुरुङ र समर्थकमा एकीकृत समाजवादीकी सचेतक लक्ष्मीकुमारी चौधरी छन्। भुसाल नेपाली कांग्रेसकी सचेतक पनि हुन्।

उम्मेदवारी मनोनयनपछि आजै दिउँसो साढे १ बजे उम्मेदवारको सूची प्रकाशन गर्ने कार्यसूची रहेको छ।

भोलि शुक्रबार हुने हुने निर्वाचनका लागि आज बिहान ११ देखि दिउँसो १ बजेसम्म मनोनयन दर्ताको समय तोकिएको छ।

प्रतिपक्षी दलहरूले कसलाई उम्मेदवार बनाउने भन्नेबारे अझै निर्णय गरिसकेका छैनन्।

प्रकाशित: Jul 14, 2022| 11:49 बिहीबार, असार ३०, २०७९