सांसद विमला विकको गुनासो- डाक्टरले नाफा आउने कम्पनीको औषधि किनाउँछन्

सांसद विमला विकले औषधिमा नियमन नहुँदा उपभोक्ता निकै मारमा पर्ने गरेको गुनासो गरेकी छन्।

नेपाल समय | बुधबार, असार २९, २०७९

नेपाल समय

बुधबार, असार २९, २०७९

सांसद विमला विकको गुनासो- डाक्टरले नाफा आउने कम्पनीको औषधि किनाउँछन्

काठमाडौं‍- सांसद विमला विकले औषधिमा नियमन नहुँदा उपभोक्ता निकै मारमा पर्ने गरेको गुनासो गरेकी छन्।

नियमन नहुँदा डाक्टरहरूले नाफा हुने औषधि सिफारिस गर्ने गरेको र उपभोक्ता सोही औषधि खरिद गर्न बाध्य रहेको बताएकी हुन्।

'कुन कम्पनीको औषधि खाने भनेर रोज्ने अधिकार उपभोक्तालाई छैन। त्यो अधिकार डाक्टर साबलाई छ। डाक्टर साबले जुन औषधि खाऊ भन्नुहुन्छ। जुन कम्पनीको औषधि खाऊ भन्नुहुन्छ। त्यहि हामीले खानुपर्छ,' उनले भनिन्, 'उहाँहरूले जुन कम्पनीको औषधिमा बढी नाफा हुन्छ। त्यही सिफारिस गर्नू हुन्छ।'

डाक्टरले नाफा आउने कम्पनीको औषधि खरिदका लागि सिफारिस गर्नू गलत रहेको भन्दै उनले त्यसको नियमन हुनुपर्ने बताएकी छन्। उनले यस विषयमा स्वास्थ्य मन्त्रीको ध्यानाकर्षण गराउन चाहेको बताएकी छन्।

प्रकाशित: Jul 13, 2022| 13:45 बुधबार, असार २९, २०७९