गणपूरक संख्या नपुगेपछि आज पनि संसद् बैठक स्थगित

यसअघि सांसद भूपेन्द्रबहादुर थापाले गणपूरक संख्या नपुग्ने देखिएको भन्दै यकिन गर्न माग गरेका थिए। यसपछि ३ मिनेट घण्टी बजाएर संख्या गणना गर्दा ६१ मात्र पुगेको थियो।

नेपाल समय | सोमबार, असार २७, २०७९

नेपाल समय

सोमबार, असार २७, २०७९

गणपूरक संख्या नपुगेपछि आज पनि संसद् बैठक स्थगित

काठमाडौं- गणपूरक संख्या नै नपुगेपछि आज पनि संसद बैठक स्थगित भएको छ। सभामुख अग्निप्रसाद सापकोटाले गणपूरक संख्या नपुगेको भन्दै बैठक स्थगित भएको घोषणा गरेका हुन्।

प्रतिनिधि सभा बैठक सञ्चालन हुन कम्तीमा २५ प्रतिशत सदस्य संख्या पुग्नुपर्छ। त्यसअनुसार हाल ६९ जना उपस्थित हुँदा मात्र बैठक सञ्चालन हुन सक्छ। तर जम्मा ६१ मा सांसद पुगेका थिए।

यसअघि पनि पटकपटक गणपूरक संख्या नपुगेर संसद बैठक स्थगित हुँदै आएको छ।

प्रतिनिधि सभाको अर्को बैठक असार २९ गते बुधबार ११ बजे बस्नेछ।

प्रकाशित: Jul 11, 2022| 16:01 सोमबार, असार २७, २०७९