नमुना मतपत्र छापेर सकियो, अब नियमित छपाइ

मतपत्र छपाइको काम आजबाट सुरु हुने निर्वाचन आयोगले जनाएको छ।

नेपाल समय | सोमबार, चैत २१, २०७८

नेपाल समय

सोमबार, चैत २१, २०७८

नमुना मतपत्र छापेर सकियो, अब नियमित छपाइ

काठमाडौं– मतपत्र छपाइको काम आजबाट सुरु हुने निर्वाचन आयोगले जनाएको छ। नियमित पत्रकार भेटघाटमा सोमबार आयोगका प्रवक्ता शालिग्राम शर्मा पौडेलले अहिलेसम्म १ लाख ८० हजार नमुना मतपत्र छापिइसकेकाले आजैबाट सक्कली मतपत्रको छपाइ सुरु हुने बताए।

दुर्गम ठाउँमा मतपत्र पुग्नका लागि धेरै समय लाग्ने भएकाले सुरुमा दुर्गम ठाउँका लागि मतपत्र छापिने उनले जानकारी दिए। त्यस्तै कुल मतपत्रमध्ये ८ देखि २५ प्रतिशतसम्म जगेडा मतपत्र छापिने उनले बताए ।

‘मनाङ‚ हुम्ला‚ जुम्लाजस्ता दुर्गम ठाउँका लागि सुगम ठाउँको भन्दा बढी मतपत्र जगेडा राखेर छपाइ गरिन्छ भने सुगम ठाउँका लागि कम जगेडा राखेर छापिन्छ‚’ प्रवक्ता पौडेलले भने ।

प्रवक्ता पौडेलले गृह मन्त्रालयले एकीकृत सुरक्षा योजनाको विषयमा आयोगलाई जानकारी गराइसकेको भन्दै त्यसप्रति आयोग गम्भीर भएर लाग्नेसमेत बताए।

प्रकाशित: Apr 04, 2022| 16:56 सोमबार, चैत २१, २०७८