पाँच वडाध्यक्षसहित बेदकोट नगरपालिकाका मेयर एमाले छाडेर नेकपा एसमा प्रवेश

काठमाडौं– कञ्चनपुरको बेदकोट नगरपालिकाका मेयर पाँच जना वडाध्यक्ष र २२ जना वडा सदस्यसहित नेकपा एकीकृत समाजवादीमा प्रवेश गरेका छन्। नेकपा एमालेबाट निर्वाचित नगर प्रमुख अशोक चन्द एमालेमा भित्रिएका हुन्। 

नेकपा एसका अध्यक्ष माधवकुमार नेपालले मेयर चन्दसहित वडाध्यक्ष, कार्यपालिका सदस्य र सदस्यहरूलाई पार्टीमा भित्र्याएका छन्।

नगर प्रमुखसहित वडा नम्बर ३ का अध्यक्ष तिलक ठकुल्ला, ४ नम्बरका अध्यक्ष भास्कर भट्ट, ७ नम्बरका वीर बहादुर डगौरा, ८ नम्बरका दुर्गासिंह भण्डारी र १० नम्बरका केशव रावल एमाले परित्याग गरी एकीकृत समाजवादीमा प्रवेश गरेका छन्। १० वडा रहेको बेदकोट नगरपालिकामा ८ वडा एमालेले जितेको थियो। अहिले ८ मध्ये ५ वडाध्यक्षहरू एकीकृत समाजवादीमा प्रवेश गरेका हुन्।

कार्यपालिका सदस्यहरू निर्मला विष्ट चौधरी, पिंकी दमाईं, माया बोहरा, तारा रैका, दलवीर टमाटा, चेतराम कामी पनि एकीकृत समाजवादीमा प्रवेश गरेका छन्।