नेरी र सुस्मिताको घातक बलिङमा मेयर ११ विरुद्ध लुम्बिनीको रोमाञ्चक जित

काठमाडौं- दोस्रो संस्करणको ललितपुर मेयर महिला टी२० च्याम्पियनसिपमा बुधबार ललितपुर मेयर ११ विरुद्ध लुम्बिनी प्रदेशले रोमाञ्चक जित निकालेको छ। लुम्बिनीकी नेरी थापाले अन्तिममा तीन विकेट लिँदै आफ्नो पक्षमा पारेको खेलमा उसले मेयर ११ लाई दुई रनले हराएको हो।

खेलको १८ ओभर सकिँदा चार विकेट गुमाएर ८० रन बनाएको मेयर ११ सहज अवस्थामा थियो तर लुम्बिनीले अन्तिममा घातक बलिङ गर्दै खेल आफ्नो पक्षमा पारेको हो।

टस जितेर ब्याटिङ रोजेको लुम्बिनीले पुरा ओभर खेल्दै चार विकेट गुमाएर ९४ रन बनाएको थियो। जवजाफमा मेयर ११ ले ९२ रन मात्र बनाउन सक्यो।

जवाफमा मेयर्स ११ ले निर्धारित २० ओभरमा नौ विकेट गुमाएर ९२ रन मात्र बनायो। लुम्बिनीले अन्तिम दुई ओभरमा पाँच विकेट गिराएको थियो। व्यक्तिगत अन्तिम ओभरमा सुस्मिता भुषालले दुई विकेट लिइन भने आफ्नो अन्तिम ओभरमा नेरी थापाले तीन विकेट लिइन्। समग्रमा भुषालले दुई र थापाले चार विकेट गिराए।

खेलको पहिलो पारीमा लुम्बिनीका सरस्वती पुनले २०, सरस्वती जिएमले ३१ रन बनाएकी थिइन्। त्यतिबेला मेयर ११ का सुमन खतिवडाले तीन र सिला क्षेत्रीले एके विकेट लिएकी थिइन्।

जवाफमा मेयर ११ का कन्चन श्रेष्ठले २२ तथा अस्मिना कर्माचार्यले २० रनको योगदान दिइन्। यता लुम्बिनीका नेरी र सुस्मिता बाहेक कृतिका मरासिनीले तीन विकेट  लिइन्।