मेयर कपमा सुदूरपश्चिम र एपीएफको जित

दोस्रो संस्करणको ललितपुर मेयर कप महिला टी २० क्रिकेट च्याम्पियनसिपको पहिलो दिनको खेलमा एपीएफ र सूदुरपश्चिमले जित निकालेको छ।

नेपाल समय | मंगलबार, फागुन १०, २०७८

नेपाल समय

मंगलबार, फागुन १०, २०७८

काठमाडौं - दोस्रो संस्करणको ललितपुर मेयर कप महिला टी २० क्रिकेट च्याम्पियनसिपको पहिलो दिनको खेलमा एपीएफ र सूदुरपश्चिमले जित निकालेको छ।

त्रिवीको क्रिकेट मैदानमा भएको खेलमा सुदूरपश्चिमले ललितपुर मेयर ११ माथि ५८ रनको जित निकालेको हो। पहिले ब्याटिङ गरेको सुदूरपश्चिमले पूरा ओभर खेल्दै पाँच विकेट गुमाएर १४३ रन बनाएको थियो। जवाफमा मेयर ११ ले २० ओभरमा ८५ रन मात्र बनाउन सक्यो। सुदूरपश्चिमका लागि रेवति धामीले २९ र डल्ली भट्टले ४२ रन बनाइन्।

त्यस्तै, अर्को खेलमा एपीएफले प्रदेश एकमाथि छ विकेटको जित निकालेको छ। पहिले ब्याटिङ गरेको प्रदेश १ ले २० ओभरमा ५७ रन बनाएको थियो। जवाफमा एपीएफले ११ ओभर चार बलमै ५८ रनको लक्ष्य चार विकेट गुमाएर पूरा गर्‍यो।

प्रकाशित: Feb 22, 2022| 19:16 मंगलबार, फागुन १०, २०७८