'ए' डिभिजन लिगमा जावलाखेलको जित

काठमाडौं– सहिद स्मारक ए डिभिजन लिगको आइतबार सम्पन्न पहिलो खेलमा जावलाखेल युथ क्लबले हिमालयन शेर्पाविरुद्ध जित निकालेको छ। आइतबार दशरथ रंगशालामा सम्पन्न खेलमा जावलाखेलले हिमायनल शेर्पाविरुद्ध २–१ गोलको जित निकालेको हो।

शेर्पाको जितका लागि रुप बहादुर लामा र ओन्गुना एनकेन्गे जुनियरले गोल गरे। निकै प्रतिस्पर्धात्मक खेलको पहिलो हाफमा अग्रता बनाएको जवालोखल दोस्रो हाफमा बराबरीमा आए पनि उसले अर्को गोल गर्दै जित निकालेको हो।

हिमालयन शेर्पाका अमृत श्रेष्ठले पेनाल्टी बक्स भित्रबाट प्रहार गरेको एक्रोब्याट सिधै गोलपोस्टमा छिरेको थियो। यससँगै शेर्पाले खेलमा बराबरी गर्यो। तर निर्धारित ९० मिनेटमा दुई मिनेट बाँकी रहँदा ओन्गुनाले गोल गर्दै खेलमा जित निकालेका थिए।

यो जितसँगै जावलाखेलले १२ खेलबाट १३ अंक बनाएको छ। यससँगै जवालखेल नवौं स्थानमा पुगेको छ। यता समान १३ अंक भएको शेर्पा भने हेड टू हेडमा पछि पर्दै १० औं स्थानमा छ।