नेपालको खराब सुरुआतः दुवै ओपनर बाहिरिए

काठमाडौं- ओमनसँग टस हारेर पहिले ब्याटिङ गरेको नेपालले तीन ओभर भित्रै दुवै ओपनर गुमाएको छ। ओमनको अल इमिरेत मैदानमा पौने १२ बजेबाट सुरु भएको खेलमा नेपालले पहिलो ब्याटिङको निम्तो पाएको थियो।

पहिलो ओभरको अन्तिम बलमा ओमनका विलाल खानले नेपालको पहिलो विकेट गिराए। नेपालका लागि ओपनिङमा कुशल भुर्तेल र आशिफ शेख आएका थिए। आशिफ दुई बलमा एक रन जोड्नै मैदानबाट बाहिरिए। त्यस्तै, तेस्रो ओभरको चौथो बलमा विलाले नै नेपाली अर्को ओपनर कुशल भुर्तेललाई पनि मैदान बाहिर पठाए।

कुशलले आठ बलमा पाँच रन जोडे। अहिले ज्ञानेन्द्र मल्ल र दीपेन्द्र सिंह ऐरीले ब्याटिङ गरिरहेका छन्।

समूह बिमा रहेको नेपालले टी २० विश्वकप छनोटको पहिलो खेलमा ओमनसँग खेलिरहेको हो। यो छनोटको समूह चरण पार गर्दै सेमिफाइनलमा पनि जित निकाल्न सके नेपाल दोस्रो पटक टी–२० विश्वकपमा पुग्नेछ।

नेपालको टिम

सन्दीप लामिछाने, ज्ञानेन्द्र मल्ल, दीपेन्द्र सिंह ऐरी, कुशल भुर्तेल, मोहम्मद आरिफ शेख, मोहम्मद आसिफ शेख, अविनाश बोहरा, जितेन्द्र कुमार मुखिया, कमल सिंह ऐरी,विवेक कुमार यादव, लोकेश बहादुर बम, सागर ढकाल