धरानको जंगलमा विभत्स अवस्थामा शव भेटियो

काठमाडौं– सुनसरीको धरान–४ स्थित जंगलमा एक युवकको शव विभत्स अवस्थामा फेला परेको छ। कोशी राजमार्गको भेडेटार सडक खण्ड नजिकै जंगलमा शव भेटिएको थियो।

घाँस काट्न गएका गाउँलेले जेब्रा झोलामा मान्छेको खुट्टा र टाउको देखेपछि हिजो बुधबार प्रहरीलाई खबर गरेका थिए। 

प्रहरीले जंगलमा झोलामा हालेर फालेको अवस्थामा टाउको र खुट्टा फेला परेको छ। प्रहरीका अनुसार शवको प्रकृति हेर्दा अन्दाजी ३०–३२ वर्षका युवक जस्तो देखिएको छ। शव केही दिन पुरानै रहेको प्रहरीले बताएको छ।