काम चापले मन्त्रीको संख्या बढाउनुपर्‍यो : मुख्यमन्त्री राई

प्रदेश १ का मुख्यमन्त्री राजेन्द्रकुमार राईले कामको चापले मन्त्रिपरिषद् र मन्त्रालयको सङ्ख्या वृद्धि गरेको बताएका छन्।

नेपाल समय | बिहीबार, फागुन ५, २०७८

नेपाल समय

बिहीबार, फागुन ५, २०७८

फाइल तस्बिर

विराटनगर- प्रदेश १ का मुख्यमन्त्री राजेन्द्रकुमार राईले कामको चापले मन्त्रिपरिषद् र मन्त्रालयको सङ्ख्या वृद्धि गरेको बताएका छन्। समाजवादी प्रेस सङ्गठन नेपालको प्रदेश १ स्तरीय प्रथम भेलाको आज विराटनगरमा उद्घाटन गर्दै उनले विगतको सरकारले कुनै पनि काम गर्न नसकेको र कार्य विशेषताले मन्त्रालयको विभाजन गर्नुपरेको धारणा व्यक्त गरे।

'कामको चाप र राजनीतिक आवश्यकताले मन्त्रिपरिषद् (मन्त्री) र मन्त्रालयको संख्या बढाउनुपरेको हो,' मुख्यमन्त्रीले थपे, 'यसले खर्चमा वृद्धि भएपनि विगतको सरकारले ठूलो आर्थिक खाडल सिर्जना गरेको छ। त्यसलाई पुर्न महत्वपूर्ण योजना ल्या‍इँदैछ।'

सरकारले बजेटको पुनरावलोकन गरी अनावश्यक योजना कटौती गरी आगामी १०/१५ दिनभित्र केन्द्रबाट थप बजेट ल्याई प्रदेशको समृद्धिका लागि केही नयाँ योजना ल्याउने दाबी समेत गरे।

मुख्यमन्त्री राईले प्रदेशका नामका लागि सबै राजनीतिक दल र सरोकारवालाको भेलाबाट सर्वसम्मत् अथवा मतदान प्रक्रियाबाट आगामी प्रदेशसभाको अधिवेशनबाट टुङ्ग्याउने विश्वास दिलाए।

प्रकाशित: Feb 17, 2022| 06:05 बिहीबार, फागुन ५, २०७८