लुम्बिनी प्रदेशमा महिलातर्फ एकीकृत समाजवादीकी गैरैले हराइन् एमालेकी भारतीलाई

बुटवल– लुम्बिनी प्रदेश राष्ट्रियसभाको महिलातर्फ गठबन्धनका तर्फबाट एकीकृत समाजवादीका उम्मेदवबार राजेन्द्र लक्ष्मी गैरै विजयी भएकी छन्। उनले एमालेका उम्मेदवार बाँकेकी भारती उपाध्यायलाई पराजित गरेकी हुन्।

प्रदेश निर्वाचन कार्यालयका अनुसार भर्खर सकिएको मतगणना अनुसार गैरैले प्रदेशसभातर्फ ४५ र स्थानीय तहतर्फ प्रमुख उपप्रमुखबाट १२३ मत प्राप्त गरेकी हुन्। त्यस्तै पराजित भएकी उपाध्ययले प्रदेशसभा तर्फ ३६ र स्थानीय तहतर्फ ८८ जनाको मत पाइन्।

गैरेको अंकभार ४ हजार ३ सय ७४ र उपाध्यायको ३ हजार ३ सय १२ रहेको छ। यस्तैगरी दलिततर्फ सत्ता गठबन्धन दल जनमोर्चाको तर्फबाट रुपन्देहीका तुलप्रसाद विश्वकर्मा र प्रमुख प्रतिपक्षी दल एमालेको तर्फबाट गुल्मीका कृष्ण सुनार तथा अन्यतर्फ सत्तारुढ दल कांग्रेसबाट बाँकेका युवराज शर्मा र प्रतिपक्षी एमालेको तर्फबाट दाङका रामदयाल गुप्ताका बीचमा निर्वाचन भएको हो। दुवैको मतगणना चलिरहेको छ।