सिरहामा छुरा हानाहान हुँदा एक जनाको मृत्यु

काठमाडौं– सिरहामा दुई समूहबीच छुरा हानाहान हुँदा एक जनाको मृत्यु भएको छ।

गोलबजार नगरपालिका–६ गोलबजारमा दुई पक्षबीच झडप हुँदो छुरा प्रहारबाट २६ वर्षीय रामकुमार सदाको मृत्यु भएको जिल्ला प्रहरी कार्यालयका प्रहरी नायब उपरीक्षक सुवास बुढाथोकीले जानकारी दिए।

शनिबार राति भएको घटनामा गम्भीर घाइते भएका सदालाई उपचारका लागि आरके मेडिसिटी अस्पताल लगिएको थियो। त्यहाँ पुर्‍याएलगत्तै उनलाई चिकित्सकले मृत घोषणा गरेका थिए।‍ घटनामा गम्भीर घाइते भएका निकेश सदाको पनि उपचार भइरहेको छ। 

घटनाको कारण खुलिनसकेको प्रहरीले जनाएको छ।  दोषीलाई कारबाही गर्न माग गर्दै स्थानीयले पूर्वपश्चिम राजमार्गको गोलबजार खण्ड अवरोध गरेका छन्। घटनामा संलग्न व्यक्तिहरू फरार रहेकाले उनीहरूको खोजी भइरहेको प्रहरीले जनाएको छ।