प्रदेशसभामा अध्यादेश पेश गर्न लाग्दा लोसपाद्वारा बैठक अवरुद्ध

जनकपुरधाम– प्रदेश २ का प्रमुख प्रतिपक्षी दल लोकतान्त्रिक समाजवादी पार्टीले प्रदेशसभा बैठक अवरुद्ध गरेको छ।

बुधवार बसेको प्रदेशसभा बैठकमा सामाजिक विकास मन्त्री नवल किशोर साहले प्रदेश सरकारले ल्याएको अध्यादेश पेश गर्न लाग्दा बैठक अवरुद्ध गरेका छन्। 

पार्टीको प्रमुख सचेतक परमेश्वर साहले प्रदेशसभा बैठक छलेर अध्यादेश ल्याइएको भन्दै पार्टीले बैठक अवरुद्ध गरेको छ। लोसपाले अध्यादेश पेश गर्न नदिएपछि सभामुख सरोज यादवले प्रदेश सभा बैठक १५ मिनेटका लागि स्थगित गरेका छन् । 

केही हप्ता अघि प्रदेश सरकारको सिफारीसमा प्रदेश प्रमुख हरिशंक मिश्रले प्राविधिक विश्वविद्यालय र कृषि विश्वविद्यालय सम्बन्धी अध्यादेश ल्याएका थिए ।