शिक्षक अनुपस्थित भएको भन्दै विद्यार्थीले गरे राजमार्ग अवरुद्ध, प्रहरीद्वारा अश्रु ग्यास प्रहार

पर्सा- विद्यालयमा नियमित रुपमा शिक्षक अनुपस्थित रहँदै आएको भन्दै श्री गीता गजेन्द्र माध्यमिक विद्यालयका विद्यार्थीले राजमार्ग अवरुद्ध गरेका छन्। 

वीरगन्ज महानगरपालिका– १८ सुखचैनामा स्थित त्रिभुवन राजमार्गमा पर्ने परवानीपुर चोकमा आन्दोलित विद्यार्थीहरुले राजमार्ग अवरुद्ध गरेका हुन्।

राजमार्ग अवरुद्धले वीरगन्ज भएर देशका अन्य भागमा जाने सवारीसाधनहरु अवरुद्ध भएका थिए। विगत लामो सयमदेखि विद्यार्थी विद्यालय जाँदा पनि शिक्षक विद्यालय नआएपछि कक्षा नै नगरी फर्कन बाध्य भएकाले आन्दोलनमा उत्रेको विद्यार्थीहरुले गुनासो छ।

राजमार्ग खुलाउन प्रहरीले अश्रु ग्यास प्रहार गरेको थियो। 

सामुदायिक विद्यालयको विद्यार्थीको समस्याप्रति सम्बन्धित निकाय उदासीन भएकाले ध्यानाकर्षण गराउन आन्दोलित गरेको विद्यार्थीहरुको भनाइ छ।