जनकपुरधाम- आन्तरिक विवादका कारण पटक-पटक स्थगित हुँदै आएको नेपाली कांग्रेस सर्लाहीको वडा अधिवेशन सुरु भएको छ। सर्लाहीमा पार्टीको दुबै पक्षबीचको छलफलपश्चात आइतबार वडा अधिवेशन भएको हो।
२ सय वटा वडा रहेको सर्लाहीमा १ सय ६० देखि १ सय ६५ वडासम्ममा सर्वसम्मत रुपमा नेतृत्व चयन गरिएको सर्लाहीको निर्वाचन अधिकृत भरत बहादुर राउतले जानकारी दिए।
बाँकी वडाहरुमा सर्वसम्मत गर्ने प्रयास विफल भएकाले सोमबार मतदान प्रक्रियाबाट नेतृत्व चयन गरिने निर्वाचन अधिकृत राउतले बताए।
यसअघि संस्थापन पक्ष तथा संस्थापन इतर पक्षबीच विवाद हुँदा पटक-पटक वडा अधिवेशन स्थगित हुँदै आएको थियो।
यद्यपि संस्थापन पक्ष र संस्थापन इतर पक्षबीच सहमति भएपछि मात्रै वडा अधिवेशन सम्भव भएको हो।