पहिरोमा परेर कालीकोटमा एक जनाको मृत्यु

सुर्खेत– कालीकोटमा पहिरोमा परेर एक जनाको मृत्यु भएको छ। घरमाथिबाट आएको पहिरोमा परी महावै गाउँपालिका–७ राम्रीका १८ वर्षीया स्मृति अधिकारीको मृत्यु भएको हो।

अविरल वर्षाका कारण मंगलबार बिहान घरमाथिबाट पहिरो आउँदा उनको मृत्यु भएको कालीकोटका डीएसपी चक्रबहादुर शाहले जानकारी दिए। ‘सुतिरहेकै बेला घरमाथिबाट पहिरो आएछ’, डीएसपी शाहले भने, ‘प्रहरीलाई बिहान ५ बजेतिर खबर आएको थियो।

उद्धारका लागि तत्काल घटनास्थल पुगे पनि बालिकालाई बचाउन सकिएन।’ घरका अन्य सदस्य भने भागेको जोगिएको प्रहरीले जनाएको छ। पहिरोले घरमा पूर्ण रुपमा क्षति पु¥याएको छ।