मासुको विवादमा बाबुले गरे छोराको हत्या

सुर्खेत- सल्यानमा मंगलबार राति आफ्नै बुवाले छोराको हत्या गरेका छन् ।

बनगाड कुपिण्डे नगरपालिका– १० माझकाँडाका ५६ वर्षिय बाबु निमवहादुर कुवर मगले ३३ बर्षिय छोरा रुपलाल कवँर मगरको हत्या गरेका हुन् । मासुको विषयमा सामान्य विवाद् हुँदा बुवाले खुर्पा (ठूलो आकारको हँसिया) प्रहार गरेर छोराको हत्या गरेको जिल्ला प्रहरी कार्यालय सल्यानले जनाएको छ ।

‘बाबुछोराले नै मदिरा सेवन गरेका रहेछन्, मासुको विषयमा सामान्य विवाद भएछ,’ सल्यानका डीएसपी गोविन्द थापाले भने, ‘बुवाले आबेगमा खुर्पा प्रहार गर्दा छोराको मृत्यु भएको छ ।’ छोराको हत्या गर्ने बुवालाई प्रहरीले नियन्त्रणमा लिएको छ ।