विश्वकै सबैभन्दा ठूलो खगोल विज्ञान सम्मेलनमा नेपालबाट ३१ जना सहभागी

काठमाडौं– विश्वकै सबैभन्दा ठूलो खगोल विज्ञान सम्मेलनमा नेपालका ३१ जनाले सहभागिता जनाएका छन्।

शुक्रबार सम्पन्न सम्मेलनमा नेपाल एस्ट्रोनोमिकल सोसाइटी (नासो) को नेतृत्वमा विद्यार्थी र खगोल विज्ञानसम्बन्धी अध्ययन गरिरहेका अनुसन्धाता सहभागी बनेका हुन्।

कम्युनिकेटिङ एस्ट्रोनोमी विथ पब्लिक (क्याप) को नवौं सम्मेलन गएको मे २४ बाट २९ सम्म विश्वभरि भर्चुअल्ली रुपमा सम्पन्न भएको थियो। आयोजक इन्टरनेसनल एस्ट्रोनोमिक युनियन (आईएयू) ले प्रत्येक वर्ष आयोना गर्ने क्याप कोभिड–१९ को महामारीका कारण यो वर्ष भर्चुअल्ली गर्दा ८४ देशका १२ सय जनाले सहभागीता जनाएका थिए।

सम्मेलनमा प्रोफेसर जोन बेस्ली, प्रोफेसन पज्व शास्त्री, प्रोफेसन ट्राविर सेक्टरलगायतले प्रस्तुति दिएका थिए। नेपालका तर्फबाट भने नासोका अध्यक्ष सुरेश भट्टराईले प्रस्तुति दिए।

सुरेशले नेपालमा खगोल विज्ञान र ज्योतिष विज्ञानको फरकबारे प्रस्तुति दिएका थिए। नेपालमा एस्ट्रोनोमी र एस्ट्रोलोजिलाई एउटै बुझिँदै आएको सुरेश बताउँछन्।

उनले ती दुई विषय फरक रहेकोमा प्रकाश परेका थिए। त्यस्तै, नेपालमा खगोल विज्ञान विस्तारबारे १० मिनेटको प्रस्तुति दिएका थिए।