आइपिएलमा कोलकत्ताको विजयी सुरुआत

काठमाडौं – इन्डियन प्रिमियर लिग (आइपिएल) मा कोलकत्ता नाइट राइडर्सले विजयी सुरुआत गरेको छ।

म्यान अफ दि म्याच बनेका नितिश रानाले ८० रनको योगदा दिएको खेलमा कोलकत्ताले सनराइजर्स हैदराबादविरुद्ध १० रनको जित निकालेको हो।

टस हारेर ब्याटिङको निम्तो पाएको कोलकत्ताले पुरा ओभर खेल्दै ६ विकेटको क्षतिमा १ सय ८७ रन बनाएको थियो। १ सय ८८ रनको लक्ष्यका साथ मैदान पसेको हैदराबाद पुरा ओभर खेल्दै पाँच विकेट गुमाएर १ सय ७७ रनमा समेटिएपछि खेल कोलत्ताले जितेको हो।

कोलकत्ताका लागि रानाले १३ बाउन्ड्रिसहित ८० रन बनाउँदा राहुल त्रिपतीले पनि अर्धसतकिय पारी खेले। दिनेश कार्तिकाले अविजित २२ रन बनाए।

हैदराबादका राशिद खान र मोहम्मद नावीले समान २/२ विकेट लिँदा भुवनेश्वर कुमार र टी नटराजनले समान १/१ विकेट लिए।

जवाफमा मनिष पाण्डेले अविजित ६१ रन र जोन्नी ब्रिस्टोले ५५ रन बनाए पनि डेबिड वार्नर र रिद्धिमान शाहले सम्झनलायक प्रदर्शन गर्न सकेनन्। त्यसबाहेक अब्दुल समदले १९ रन बनाए।

कोलकत्ताका लागि प्रशिद कृष्णले दुई विकेट लिँदा शकिब अल हसन, पट कमिन्स र आन्द्रे रसेलले समान १/१ विकेट लिए।

यो जितसँगै कोलकत्ताले दुई अंक जोडेको छ।