काठमाडौं – एनभीए कप राष्ट्रिय महिला तथा पुरुष क्लब भलिबल लिगको उपाधि हेल्प नेपाल स्पोर्ट्स क्लबले जितेको छ।
लिग चरणमा शीर्षस्थानमा रहेको हेल्प नेपालले दोस्रो स्थानको विभागीय टिम एपीएफलाई सोझो सेटमा हराउँदै उपाधि जितेको हो।
त्रिपुरेश्वरस्थित कभर्डहलमा भएको खेलमा हेल्प नेपालले २५–१४, २५–२० र २५–२२ को सेटमा जित निकालेको हो।
जितसहित उसले तीन लाख पुरस्कार पाएको छ। उपविजेता एपीएफले साढे एक लाख पुरस्कार पाएको छ। हेल्प नेपालले २०६९ को लिगमा पनि उपाधि जितेको थियो।