एएफसी छनोट फुटबल : पहिलो हाफमा आर्मीलाई अग्रता 

काठमाडौं- नवयुग श्रेष्ठले पहिलो मिनेटमै आक्रामक सुरुवात गरे पनि श्रीलंका पुलिसले गोल गरेपछि कमजोर देखिएको त्रिभुवन आर्मी क्लबले पहिलो हाफमै अग्रता बनाएको छ।

एएफसी कपको प्रिलिमिनर राउन्डअन्तर्गत आज जारी खेलको पहिलो हाफमा त्रिभुवन आर्मी फुटबल क्लबले श्रीलंका पुलिसलाई २–१ गोलले पछि परेको हो। 
त्रिपुरेश्वरस्थित दशरथ रंगशालामा आज भइरहेको खेलमा अधिक समय बलमा पकड बनाएको आर्मीले पुनरागमन अग्रता बनाएको हो। 

खेलको १२ औं मिनेटमा सोलो गोलको अवसर पाएका फरवार्ड भरत खवासले इम्पोसिबल कोणबाट बल प्रहार गरेपछि आर्मीले अग्रता बनाउनबाट चुकेको थियो।
 त्यस्तै, १४ औं मिनेटमा अर्का फरवार्ड नवयुग श्रेष्ठ अफसाइड भएपछि आर्मीले गोलको अवसर गुमायो। 

१८ औं मिनेटमा श्रीलंकाका इभान्स एसन्टेको प्रहार आर्मीका किपर विश्वास चौधरीले रोकेपछि श्रीलंकन पुलिसले पहिलो अवसर गुमायो तर इभान्सले १८ औं मिनेटमा आइज्याकले दिएको पासलाई भने सदुपयोग गर्दै गोलमा परिणात गरेका थिए। 
यससँगै पाहुना टिमले अग्रता बनाएका थियो। तर खेलको ४२ औं मिनेटमा आर्मीका सन्तोष तामाङले गोल गर्दै खेललाई बराबरी बनाएका थिए। 

त्यसको एक मिनेटमै फरवार्ड श्रेष्ठले गोल गरेपछि घरेलु टिमले अग्रता बनाएका् थियो। 
त्यसअघि खेलको ३९ औं मिनेटमा टंक बहादुर बस्नेतको बललाई खवासले पोस्टअघि हेडमार्फत् प्रहार गरे पनि बलले पोस्टबाहिरको दिशा लिएको थियो।