डर्टमन्डविरुद्ध सिटीको जित

काठमाडौं– जर्मन क्लब बोरुसिया डर्टमन्डलाई हराउँदै म्यानचेस्टर सिटीले पहिलो लेगको खेलमा २–१ गोलको जित निकालेको छ। सिटीको इमिरेट्स मैदानमा भएको खेलमा जित निकाल्दै म्यानचेस्टर सिटी च्याम्पियन्स लिगको सेमिफलाइनल नजिक पुगेको छ।

सिटीको संघर्षपूर्ण जितका लागि फिल फोडेनले अन्तिम मिनेटमा गोल गरेका थिए। १–१ गोलको बराबरीको अवस्थामा रहेको समयमा इल्के गुन्डोगनल दिएको पासको सदुपयोग गर्दै फोडेनले सिटीलाई जित दिलाएका थिए।

त्यसअघि खेलको १९ औं मिनेटमा रियाद महरेजले दिएको पासलाई सदुपयोग गर्दै केभिन डिब्रुनले गोल गरेका थिए। यससँगै सिटीले पहिलो हाफमा अग्रता बनाएको थियो। तर ८४ औं मिनेटमा इर्लिङ ब्रुट हाल्यान्डको पासमा मार्को रिउसले गोल गरेपछि खेल बराबरीमा आएको थियो।

तर सिटीले एक गोलको मात्र अग्रताका साथ जित नकालेका कारण डर्टमन्डको सेमिफाइनल पुग्ने आशा अझै बाँकी छ। उसले घरेलु मैदानमा हुने अर्को खेलमा जित निकाल्न सके सेमिफाइनलको यात्रा गर्नेछन्।