महिला भलिबल लिगमा पुलिस र आर्मीको जित

काठमाडौं – पाचौं एनभीए राष्ट्रिय पुरुष/महिला भलिबल लिगमा नेपाल पुलिस क्लबले लगातार तेस्रो जित निकालेको छ।

त्रिपुरेश्वरस्थित राखेपको कभर्डहलमा जारी प्रतियोगिताअन्तर्गत आज भएको खेलमा पुलिसले ढोरपाटन स्पोट्स क्लबलाई ३–० को सेटमा पारजित गरेको हो।

पहिलो सेटमा २५–५ को जित निकालेको पुलिसले दोस्रो सेटमा २५–९ को सानदार जित निकालेको थियो। त्यस्तै, अन्तिम सेटमा पनि पुलिसले २० अंको अन्तरका साथ सेट जित्दै खेल आफ्नो पोल्टामा पार्‍यो।

यो जितसँगै पुलिसले तीन खेलबाट ८ अंक जोडिसकेको छ। ढोरपाटनले अंकतालिकामा खाता खोल्न सकेको छैन्।

आजकै दोस्रो खेलमा अर्को विभागीय टिम त्रिभुवन आर्मी क्लबले भरतपुर महानगरलाई सोझो सेटमा पराजित गरेको छ।

प्रतियोगितामा लगातार दबाबा महशसुस गरेको भरतपुरले ९ अंक जोड्दा आर्मीले पहिलो सेटमा २५ अंक बनाउँदै जित निकाल्यो। त्यस्तै दोस्रो सेटमा आर्मीले भरतपुरलाई २५–८ मा रोक्यो भने तेस्रो सेट पनि १२ पोइन्टको अग्रताका साथ जित निकाल्यो।

यस्तै  त्रिभुवन आर्मी क्लवले पनि तीन जितबाट  ८ अंक जोडेको छ।