खुला टेनिस प्रतियोगिताको यू-१४ मा प्रनभ र सुनिरा च्याम्पियन

काठमाडौं- प्रनभ मानन्धर र सुनिरा थापा तेस्रो आईएमई जेटीआई ग्रान्ड जुनियर खुला टेनिस प्रतियोगितामा यु–१४ तर्फको विधामा पहिलो भएका छन्। 

मन्डिखाटारस्थित टेनिस कोर्टमा शनिबार भएको फाइनल खेलमा प्रनभ मानन्धरले राजवीर मानन्धरलाई ६–१ र ६–२ को सेटमा पराजित गर्दा गर्ल्सतर्फ सुनिराले प्रशंसा मोत्तानलाई ६–२ र ६–० को सेटमा पराजित गरेर पहिलो भइन्।

शनिबारकै यु–१२ तर्फको फाइनल खेलमा भने दर्शिल श्रेष्ठले बाजी मारे। दर्शिलले बोरिस अधिकारीलाई ६–४ र ६–४ को सेटमा पराजित गर्दै च्याम्पियन भएका हुन्। 

यस्तै गर्ल्स डबलतर्फ इशाश्री शाह र सर्भानी श्रेष्ठ तथा ब्वाइज डबल्समा आरभ सम्राट हाडा र अकी जुबिन रावतले उपाधि जितेका छन्।

इशाश्री र सर्भानीले निमिशा ढकाल र आइसा डी गुरुङमाथि ७–६ र ६–२ जित निकाल्दा आरभ र अकिले प्रनभ मानन्धर र रजवीर प्रधानलाई ६–४ र ६–२ को सेटमा हराउँदै स्वर्ण पदक जितेका हुन्। 

प्रतियोगितामा आइतबार यु–१६ ब्वाइज र गर्ल्सबीच उपाधिका लागि प्रतिस्पर्धा हुनेछ। यु–१६ ब्वाइजमा आरभ सम्राट हाडा र अकी जुविन रावत तथा यु–१६ गल्र्समा सर्भानी श्रेष्ठ र रैना शाहबीच प्रतिस्पर्धा हुनेछ।