भलिबल च्याम्पियनसिपको पहिलो खेलमा न्यु डायमण्डको जित

पाँचौं संस्करणको एनभीए पुरुष तथा महिला क्लब लिग भलिबल च्याम्पियनसिपको पहिलो खेलमा न्यु डायमण्डले जित निकालेको छ।

नेपाल समय | बिहीबार, चैत १९, २०७७

नेपाल समय

बिहीबार, चैत १९, २०७७

भलिबल च्याम्पियनसिपको पहिलो खेलमा न्यु डायमण्डको जित

काठमाडौं– पाँचौं संस्करणको एनभीए पुरुष तथा महिला क्लब लिग भलिबल च्याम्पियनसिपको पहिलो खेलमा न्यु डायमण्डले जित निकालेको छ।

बिहीबार त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा सम्पन्न खेलमा न्यु डायमण्डले ३–० को सेटमा एपीएफलाई हराएको हो।

न्यु डायमण्डले २५–६, २५–२ र २५–५ को सेटमा जित निकालेको हो। यससँगै न्यु डायमण्डले तीन अंक जोडेको छ।

च्याम्पियनसिपमा महिलातर्फ तीन विभागीयसहित न्यु डायमण्ड, ढोरपाटन क्लब, भरतपुर महानगर रहेको आयोजकले बताएको छ।

त्यस्तै, पुरुषतर्फ पुलिस, सशस्त्र र आर्मी गरी तीन विभागीय टोलीसहित एचएनएससी, बुद्ध युवा क्लब, नयाँबजार क्लब, मनिमुकुन्द क्लब र बुल्बुले रारा क्लब छन्।