कोहली अप्रिल १ देखि बैंगलोरको टिममा सहभागी बन्ने

काठमाडौं – अप्रिल ९ बाट सुरु हुने इन्डियन प्रिमियर लिग (आईपीएल) का लागि धेरै टिमले अभ्यास थालेका छन्।

विराट कोलही कप्तानी रहको रोयल च्यालेन्सर्ज बैंगलोरले पनि सोमबारदेखि  अभ्यास थालेको छ। 

भर्खरै इंग्ल्यान्ड–इन्डिया क्रिकेट सिरिज सकेका विराट कोहली अप्रिल १ देखि बैंगलोरको टिममा सहभागी बन्न लागेका हुन्। 

चार खेलको टेस्ट सिरिज, पाँच खेलको टी–२० र तीन खेलको एकदिसीय खेलेर मार्च २७ मा मात्र बबल च्याम्बिरबाट मुक्त भएका उनी अब बैंगलोरको स्क्वाडमा प्रवेश गर्न सात दिनको अनिवार्य क्वावरेन्टिन बस्नुपर्नेछ।

सिरिजमा इन्डियाको कप्तानी गरेका कोहलीले टेस्ट, टी२० र एकदिवसीयमा घरेलु टिमलाई जित दिलाउन मुख्य भूमिका खेलेका थिए।

सिरिजको समयमा गत जनवरी अन्त्यबाट नै उनी बायो सेक्योर इन्भारमेन्टमा बसिरहेका थिए। उनीसँग बसेका युजवेन्द्र चहल र मोहम्मद सिरज भने मंगलबार सुरु भएको अभ्यासमा सहभागी भइसकेका छन्।