काठमाडौं - एएफसी कपको तयारीमा रहेको त्रिभुवन आर्मी फुटबल क्लबले थ्री नेसन्स कप खेल्न नेपाल आएको कीर्गिस्तानको यू-२३ सँग मैत्रीपूर्ण फुटबल खेल्ने भएको छ।
अखिल नेपाल फुटबल संघ (एन्फा)को सहयोगमा आर्मी क्लबले एएफसी कपको तयारीस्वरूप फुटबल खेल्न लागेको हो।
आर्मीले आउँदो अप्रिल ७ मा एएफसी प्रिलिमिनरी राउन्डमा श्रीलंकाको पुलिस क्लबसँग खेल्दै छ।
खेल आज (आइतबार) दिउँसोे साढे ३ बजेबाट दशरथ रंगशालामा हुने छ। साथै आजको मैत्रीपूर्ण खेलका लागि एन्फाले निःशुल्क प्रवेशको व्यवस्था मिलाएको छ।
गत वर्ष सम्पन्न सहिद स्मारक ए डिभिजन लिग विजेता मछिन्द्र क्लबसँग एएफसी लाइसेन्स नभएपछि आर्मीले एएफसी खेल्ने अवसर पाएको हो।