चुली कप भलिबलको उपाधि आयोजककै पोल्टामा

सुर्खेत- सुर्खेतमा भएको ‘प्रथम चुली कप-२०७७’ प्रदेशस्तरीय पुरुष भलिबल प्रतियोगिताको उपाधि आयोजक टोली ‘चुली युवा क्लब’ ले नै जितेको छ। 

शनिबार भएको फाइनल प्रतियोगितामा पाहुना टोली रुकुमपश्चिमलाई ३-० को सोझो सेटमा हराउँदै चुलीले उपाधि हात पार्न सफल भएको हो। उपाधिसँगै चुलीले नगद २ लाख नगद र टर्फी हात पारेको छ।

त्यस्तै उपविजेता रुकुमले नगद १ लाख ५० हजार र टर्फीमा जित्त बुझाएको छ। प्रतियोगितामा तेस्रो भएको हाम्रो कम्प्युटर सुर्खेतले १ लाख र सान्तोना भएको बनगाड कुपिण्डे युवा क्लव सल्यानले ५० हजारमा चित्त बुझाएको छ।

प्रतियोगितामा उत्कृष्ट प्लेयर धनश्याम चौधरीले १५ हजार र उत्कृष्ट स्पाइकर ललित विक, उत्कृष्ट सर्भर हरि पाण्डे, उत्कृष्ट सटर सुजन चोखाल, उत्कृष्ट डिफेन्डर राजन दर्लामीमगर, उत्कृष्ट ब्लकर महेन्द्र चौधरी र उत्कृष्ट कोच सुवास जिसीले टर्फीसहित नगद ७ हजार ५०० पुरस्कार पाएका छन्।

गएको बुधबारदेखि भएको प्रतियोगितामा विभिन्न ८ टिमले भाग लिएका थिए।