बराबरीमा रोकियो स्पेन, स्विडेनलाई संघर्षपूर्ण जित

काठमाडौं - समूह बी अन्तर्गत रहेको स्पेनले फिफा विश्वकप २०२२ को छनोट खेलमा  ग्रिससँग १-१ गोलको बराबरी खेलेको छ।

स्पेनको ग्रानाडामा भएको खेलमा घरेलु टिमले बलमा अधिक समय पकड बनाए पनि गोलको अवसरलाई सदुपयोग गर्न नसक्दा खेल बराबरीमा रोकिएको हो।

स्पेनका लागि ३३ औं मिनेटमा अल्भेरो मोराटाले गोल गरे पनि खेलको ५६ औं मिनेटमा ग्रिसले पेनाल्टीमा पाएको अवसरको सदुपयोग ग¥यो। 

एक गोलले पछि परेको अवस्थामा ग्रिसका अनेस्तासियोस बाकोसेटसले पेनाल्टीमा गोल गरेपछि खेल बराबरी भएको थियो।

त्यसपछि दुवै टिमले स्कोर गर्न नसक्दा खेल बराबरीमा रोकिएको हो। 

यससँगै दुवै टिमले १–१ अंकमा चित्त बुझाएका छन्।

समूह बी अन्तर्गतकै अर्को खेलमा स्विडेनले जर्जियामाथि १–० गोलको संघर्षपूर्ण जित निकालेको छ। 

स्विडेनको जितका लागि भिक्टर क्लेस्सनले खेलको ३५ औं मिनेटमा निर्णायक गोल गरेका थिए।

यो जितसँगै तीन अंक बनाएको स्विडेन समूह बी को शीर्षस्थानमा छ।