वेल्सविरुद्ध बेल्जियमको पुनरागमन जित

काठमाडौं– वेल्सविरुद्ध पुनरागमन गर्दै बेल्जियमले बुधबार राति भएको विश्वकप क्वालिफायरमा जित निकालेको छ। फिफा विश्वकप २०२२ छनोट अन्तर्गत बुधबारको खेलमा बेल्जियमले ३–१ गोलको जित निकालेको हो।

जितका लागि एक गोलले पछि परेको अवस्थामा बेल्जियमका केभिन डि ब्रुनले गोल गर्दै खेललाई बराबरी बनाएका थिए। त्यअसघि खेलको १० औं मिनेटमा ह्यारी विल्सनले गोल गर्दै वेल्सलाई अग्रता दिलाएका थिए।

तर २८ औं मिनेटमा बेल्जियमका थोरगन हजार्डले गोल गरेपछि घरेलु टिमले अग्रता आफ्नो नाममा पारेको थियो। यससँगै बेल्जियम पहिलो हाफमा २–१ गोलले अघि रह्यो।

खेलको ७३ औं मिनेटमा पेनाल्टीमार्फत रोमेलु लुकाकुले गोल गरेपछि बेल्जियम ३–१ गोलको सहज अवस्थामा पुग्यो। र, सोहि गोलअन्तरका आधारमा खेल जित्यो।

यो जितसँगै तीन अंक जोडेको बेल्जियम समूह ई को दोस्रो स्थानमा छ।

चेक रिपब्लिकले गएरातिको खेलमा इस्टोनियालाई ६–२ गोलले हराएपछि ऊ शीर्षस्थानमा रहेको छ। चेक रिपब्लिकको जितका लागि थोमस सोउसेकले ह्याट्रिक गरेका थिए।