मिल्स गोल्डकप : एलेभने एरोज दुहबी सेमिफाइनलमा

विराटनगरमा जारी पहिलो मिल्स गोल्डकप प्रतियोगितामा एलेभेन एरोज क्लब दुहबी सुनसरी सेमिफाइनलमा प्रवेश गरेको छ।

नेपाल समय | सोमबार, चैत ९, २०७७

नेपाल समय

सोमबार, चैत ९, २०७७

मिल्स गोल्डकप : एलेभने एरोज दुहबी सेमिफाइनलमा

विराटनगर- विराटनगरमा जारी पहिलो मिल्स गोल्डकप प्रतियोगितामा एलेभेन एरोज क्लब दुहबी सुनसरी सेमिफाइनलमा प्रवेश गरेको छ।

विराटनगर – १६ स्थित जुट मिल्सको खेलमैदानमा सोमबार भएको खेलमा १ नम्वर प्रदेश प्रहरी कार्यालय विराटनगरलाई १–० गोलले पराजित गरी एलेभेन एरोज सेमिफाइनलमा प्रवेश गरेको हो।

एलेभेन एरोजका उमेश कार्कीले खेल सुरु भएको २५ औं मिनेटमा गरेको गोल नै टिमको जितको लागि निर्णायक बन्यो।

कार्की खेलको म्यान अफ द म्याच बने। उनले नगद ५ हजार रुपैयाँ प्राप्त गरे। एलेभेन एरोले चैत ११ गते फाईनल प्रवेशका लागि सशस्त्र प्रहरी वल पूर्वाञ्चलसँग प्रतिस्पर्धा गर्नेछ।

प्रतियोगिता अन्तर्गत मंगलबारको खेल धरान सिटी फुटवल एकेडेमी सुनसरी र शताक्षीधाम स्पोर्ट्स क्लब झापाबीच प्रतिस्पर्धा हुने आयोजकले बताएको छ।